سکرنڈ، الخدمت کے تحت 26 معذوروںمیں وہیل چیئر تقسیم

سکرنڈ(رپورٹ اعظم راول)الخدمت فاؤنڈیشن سندھ ریجن کی جانب سے سکرنڈ اور قرب و جوار کے علاقوں کے 26 مستحق معذورین میں وھیل چیئر تقسیم کرنے کی تقریب مقامی شادی ہال میں منعقد کی گئی تقریب سے خطاب کرتے ہوئے امیر جماعت اسلامی ضلع نوابشاہ سرور احمد نے کہا کہ الخدمت نے حالیہ ڈیزاسٹر میں ثابت کیا ہے کہ ایمانداری اور خلوص نیت کے ساتھ کام کیا جائے تو مختصر سرمائے اور کم اختیار کے باوجود بھی بڑی خدمت سرانجام دی جاسکتی ہے۔ پاکستانی معاشرے کی تباہی کی وجہ وسائل کی کمی نہیں بلکہ کرپشن اور نااہل حکمرانوں کی بیجا حوس ہے انہوں نے کہا کہ الخدمت سکرنڈ کی ٹیم نے مستحقین کی مسلسل خدمت انجام دے کر اپنے خلوص اور صلاحیتوں کا لوہا منوایا ہے پروگرام سے امیر شہر عاشق حسین پٹھان، جنرل سیکریٹری توصیف رحمانی، راؤ عبدالعلیم، حافظ مختیار چانڈیو اور سید جاوید شاہ نے بھی خطاب کیا۔