کبیروالا(نمائندہ نوائے وقت ) سید گروپ‘ عوام کی بلاامتیاز خدمت کرنے پر یقین رکھتا ہے،آئندہ الیکشن میں تحریک انصاف کے پلیٹ فارم سے حصہ لیں گے،ہمیں گزشتہ الیکشن میں بند گلی میں دھکیلنے کے دعویدارسیاسی مخالفین آج خود ”بندگلی“میں ہیں، ماضی کے مقابلے میں گزشتہ 5سالوں میں تحصیل کبیروالا کے تمام علاقوں میں عوام کی فلاح وبہبود کیلئے ریکارڈترقیاتی منصوبہ جات مکمل ہوئے ہیں، ان خیالات کا اظہار قائد سید گروپ وسابق ممبر پنجاب اسمبلی ڈاکٹرسیدخاورعلی شاہ نے میڈیا سے گفتگو کرتے ہوئے کیا۔قبل ازیں انہوں نے سراے سدھو میں محمد اظہر بلوچ کی والدہ،محمد ریاض پنجوانہ کے پوتے، مہر صادق سرگانہ کی بیوی، محمد رمضان لنگاہ، اللہ دتہ آرائیں کے والد، حاجی محمد جٹ کے بھائی اور اللہ دتہ نوناری کی کزن کی وفات پر اظہار تعزیت کیا اور مرحومین کے ایصال ثواب کیلئے فاتحہ خوانی کی ۔ بعد ازاں ڈاکٹرسیدخاورعلی شاہ نے کھوہ محمد بخش والا موضع فرید پور میں سیف اللہ کھوکھر کی جانب سے دئیے گئے عشائیہ میں شرکت کی۔اس موقع پر سابق چیئرمین یونین کونسل حشمت مرالی مہر مظہر حسین مرالی،مہر غلام حسن اسر،چوہدری محمد قاسم ارائیں ا، چوہدری محمد سجاد آرائیں، ملک محمد آصف گل، مہرمحمد صفدر باٹی اور دیگر بھی موجود تھے۔