نوشہرہ ورکاں (نمائندہ نوائے وقت) مسلم لیگ (ن) کی کارنر میٹنگ محلہ شمالی مسجد میں ہوئی جس کی صدارت عبدالستار انیس سابق کونسلر میونسپل کمیٹی نے کی مہمان خصوصی امیدوار ممبر قومی اسمبلی این اے 81 چوہدری اظہر قیوم ناہرا سابق ایم این اے اور چوہدری عبدالرحمن گجر سابق ایم پی اے نے اپنے خطاب میں کہا کہ میاں محمد نواز شریف ترقی اور خوشحالی کے بیانیہ کا نام ہے انہوں نے اپنی پہلی وزارت عظمیٰ کے دور میں موٹر وے بنائی دوسری وزارت عظمیٰ کے دور میں ایٹمی پاکستان بنایا اور تیسری وزارت عظمیٰ کے دور میں سی پیک بنایا اب چوتھی بار پاکستان کو ایشیئن ٹائیگر بنائیں گے اس کیلئے آپ نے 8 فروری کو انتخابی نشان شیر پر مہر لگانی ہے منتظمین سید لیاقت علی شاہ، استاد شاہد محمود انصاری، شاہد زیدی اور دیگر نے خطاب کرتے ہوئے کہا کہ چوہدری اظہر قیوم ناہرا کی کامیابی علاقہ نوشہرہ ورکاں کی ترقی کی ضامن ہے ۔