فیروزوالہ:وارداتیں،شہری لاکھوں کی نقدی،قیمتی سامان سے محروم

 فیروزوالہ( نامہ نگار) لاہور روڈ کی آبادی  سجووال کے قریب ڈاکوؤں نے 2 سگے بھائی شہباز اور شریف بہن کا مکلوالیکر آنیوالوں کو روک کر لوٹ لیا۔ ڈاکو زیورات ،نقدی موبائل اور 6 موٹر سائیکلیں چھین کر فرار ہو گئے۔ اسی جگہ پر ڈاکوؤں نے متعدد افراد کو روک کر لوٹ لیا ان سے نقدی اور7 موبائل فونز چھین کر لے گئے۔ ڈاکوؤں نے ویگن سوارتاجر ولید کے رشتہ داروں کے علاوہ نئی نویلی دلہن اور اس کے شوہر سمیت تمام مہمانوں کو لوٹ لیا ڈاکو 10تولہ طلائی زیورات،1لاکھ روپے نقدی اور15قیمتی موبائل فونز چھین کرفرار ہو گئے۔ ڈاکوؤں نے کارسواروں الطاف اورذوالقرنین کو روک کر50ہزاروپے نقدی چھین کر لے گئے۔ مریدکے کے علاقہ دہندلاں والا کے قریب2مسلح عباس سے87ہزارروپے نقدی اورموبائل موٹر سائیکل چھین کرلے گئے ۔محلہ غریب آباد میں نامعلوم چورثناء اللہ کی عدم موجودگی میں گھر کے تالے توڑ کر 3 لاکھ روپے نقدی 5تولہ طلائی زیورات کر کے فرار ہو گئے۔ اسلام پورہ میں نامعلوم چورشفیق کی دکان کے تالے توڑ کر ساڑھے 5 لاکھ روپے رقم اور قیمتی سامان چوری کر کے لے گیا۔ ڈاکوؤں نے مختلف مقامات پر گن پوائنٹ پر 5 افراد سے 5 موٹرسائیکلیں نقدی اور موبائل چھین کر فرار ہوگئے۔