لاہور(نامہ نگار)شہر کے مختلف علاقوں میں ڈاکوؤں اور چوروں نے چوری و ڈکیتی کی وارداتوں میں متعدد شہریوں سے لاکھوں روپے مالیت کی نقدی، طلائی زیورات، موبائل فون، موٹر سائیکلیں، گاڑیاں اور دیگر سامان لوٹ لیا‘ ڈاکوؤں نے شفیق آباد میں وقار کے گھر میں گھس کر اہلخانہ کو گن پوائنٹ پر یرغمال بنا کر سے 5 لاکھ 10 ہزار‘زیورات،موبائل فون ‘دیگر سامان‘باٹا پور میں عمر کی فیملی سے 4 لاکھ ‘زیورات،بادامی باغ میں کامران کی فیملی سے ڈھائی لاکھ ‘زیورات‘ موبائل فون‘ مصطفی ٹاؤن میں عمران سے ایک لاکھ 60 ہزار‘ موبائل فون، نشتر کالونی میں اشفاق سے ایک لاکھ‘ موبائل فون‘ لاری اڈہ میں خضر سے 65 ہزار‘ موبائل فون،شیراکوٹ میں ناظم سے 58 ہزار‘ موبائل فون، گارڈن ٹاؤن میں نصیر سے 46ہزار ‘ موبائل فون لوٹ لیا اورفرار ہوگئے۔چوروں نے ڈیفنس، مانگا منڈی، گڑھی شاہو اور غازی آباد سے 4کاریں جبکہ نیو انارکلی، رنگ محل، مزنگ، لوئر مال،ٹاون شپ اور مناواں سے6 موٹرسائیکل چوری کرلئے۔