خاتون خودکش حملہ آور کا خطرہ، بلوچستان میں سکیورٹی ایڈوائزری جاری

کوئٹہ(نیٹ نیوز)  بلوچستان کے مختلف اضلاع کے ڈپٹی کمشنرز  نے الیکشن  سے متعلق سکیورٹی ایڈوائزری  جاری کی ہے جس کے مطابق خاتون خودکش  حملہ آور  اجتماعات اور  رہنماؤں کو نشانہ بناسکتی ہے۔ بلوچستان کے اضلاع کچھی،کوہلو، خضدار  اور  مستونگ کے ڈپٹی کمشنرز  نے انتخابی امیدواروں کو سکیورٹی ایڈوائزری جاری کی ہے۔ ایڈوائزری کے مطابق دہشت گرد انتخابی مہم میں سیاسی رہنماؤں اور اجتماعات کو نشانہ بناسکتے ہیں۔  ڈپٹی کمشنرز کوہلو اور خضدار کی ایڈوائزری میں کہا گیا ہے خاتون خودکش حملہ آور اجتماعات اور  رہنماؤں کو نشانہ بناسکتی ہے۔امیدواروں کو غیرضروری آمدورفت  اور کھلی جگہوں پر عوامی اجتماعات سے گریز کی ہدایت کی گئی ہے۔