آصفہ بھٹو سے کارکنوں کی ملاقات، بلاول کی انتخابی مہم تیز کرنے کی ہدایت

لاہور (نامہ نگار) آصفہ بھٹو زرداری سے بلاول ہاؤس لاہور میں پی پی پی کارکنان نے ملاقات کی۔ انہوں نے پارٹی کارکنان کو این اے 127 میں انتخابی مہم مزید تیز کرنے کی ہدایت کرتے ہوئے کہا کہ پاکستان پیپلز پارٹی کے چیئرمین بلاول بھٹو زرداری کا 10 نکاتی ایجنڈا پاکستان کے تمام مسائل کا حل ہے، جو عام آدمی کو مہنگائی اور بے روزگاری سے نجات دے گا۔ عوام نے شہر شہر ہونے والے جلسوں میں مثالی شرکت کر کے پیغام دے دیا کہ وہ ملک میں سیاسی استحکام کے خواہشمند ہیں۔ پیپلز پارٹی کو ووٹ دینا ملک میں نفرت اور تقسیم کی سیاست کو دفن کرنے کے مترادف ہوگا۔ 8 فروری پاکستان پیپلز پارٹی کی جیت کا دن ہو گا۔ عارفہ بھٹو، سحر کامران، فواد زیدی، شائستہ اسلم، سبط حسن، نایاب جان، عائشہ نواز، موسیٰ کھوکھر، سکینہ حسن، عثمان اعوان، بشارت علی، سارہ رائے، میاں نعمان، عمار، رائے ارسلان، شیخ عمران، ماہم عامر، مارخ عامر، ڈاکٹر رضوان، ناصر قاضی، مائرہ ہاشمی، اسامہ فیاض، عائشہ، سدرہ، عائشہ فیاض، ایان اور خالد رفیق بھی اس موقع پر موجود تھے۔