معروف شاعرہ خیرالنسا چندا خیری کے زیر اہتمام شعری نشست

اسلام آباد(وقائع نگار)معروف شاعرہ خیرالنسا چندا خیری نے اپنے صاحبزادوں کی شادی کی خوشی میں کمیٹی چوک راولپنڈی میں ادارہ ادب سماج انسانیت کے تعاون سے شعری نشست اور ضیافت کا اہتمام کیا،صدارت عبدالرحمان کاشف فاروقی نے کی،مہمان خصوصی ڈاکٹر ناہید اختر،مہمانان اعزاز نعمان رزاق اور آصف مغل تھے، شعری نشست میں جن شعرا ء نے اپنا کلام سنایا ان میں مرزا تجمل جرال،عالی شعاربنگش،فیصل عرفان، ناصر علی ناصر، طاہر بلوچ، نثار محمود تاثیر،ساجد حیات ،اورنگزیب شاہ،سفیر سیفی،چندا خیری،سید جواد علی گیلانی ،شہزاد افق اور محمد زبیر شامل تھے، اختتام پر عبدالرحمان کاشف فاروقی نے چندا خیری اور ان کے بیٹوں کے لیے دعائیں کیں۔