کراچی کے علاقے شاہ فیصل کالونی میں ریلوے ٹریک کے قریب نوجوان کی گولیوں سے چھلنی لاش ملی ہے۔ تیسرٹاؤن میں نامعلوم افراد کی فائرنگ سے دو افراد زخمی ہو گئے جنھیں فوری طور پر عباسی شہید ہسپتال منتقل کیا گیا جہاں پچیس سالہ انعام زخموں کی تاب نہ لاتے ہوئے جاں بحق ہو گیا۔ پولیس کے مطابق اس کا تعلق ایک سیاسی جماعت سے تھا۔ الفلاح کے علاقے میں ایک نوجوان کی بوری بند لاش برآمد ہوئی ہے ۔ جس کے بعد پولیس نے علاقے میں سرچ آپریشن کرکے دس سے زائد افراد کو حراست میں لینے کا دعویٰ کیاگیا ہے۔ جن سے اسلحہ بھی برآمد ہوا۔ تاہم آپریشن کے باوجود الفلاح کے مختلف علاقوں میں کشیدگی بدستورجاری ہے۔ کراچی میں تین روز کے دوران ہلاک ہونے والوں کی تعداد چوبیس ہو چکی ہے۔