باجوڑایجنسی: نامعلوم مسلح افراد کی فائرنگ سے دو افراد جاں بحق

خارباجوڑ ایجنسی (آن لائن ) باجوڑایجنسی کے تحصیل برنگ میں نامعلوم مسلح افراد کی فائرنگ سے دو افراد جاں بحق ہوگئے۔ باجوڑایجنسی کے انتظامیہ کے حکام اور علاقہ کے مقامی افراد کے مطابق پیر کے روز تحصیل برنگ کے ایک سرکرد ہ شخص اسرار الدین خان عرف چاڑہ ڈرائیور ملنگ سکنہ غلیزو کے ہمراہ موٹر کار میں صدر مقام خار سے اپنے گاوں جارہے تھے جب وہ کوہی نامی علاقہ میں پہنچ گئے تو نامعلوم مسلح افراد نے ان پر خود کار ہتھیاروں سے اندھا دھند فائرنگ شروع کی جس کے نتیجے میں دو نوں موقع پر جاں بحق ہوگئے ۔