بارشوں، سیلاب سے متاثرہ علاقوں میں ڈینگی سپرے کرایا جا رہا ہے: عثمان منان شیخ

لاہور (کامرس رپورٹر) بادامی باغ مارکیٹ کمیٹی پھل و سبزی منڈی کے ایڈمنسٹریٹر عثمان منان شیخ نے گزشتہ روز پھل سبزی منڈیوں کا دورہ کیا بارش کے بعد پانی کی صورتحال کا جائزہ لیا اس موقع پر انہوں نے واسا اور صفائی عملہ کو ہدایت کی کہ وہ بارشوں کے دنوں میں دونوں منڈیوں میں مکمل صفائی کا خیال کریں اور واسا ملازمین دونوں منڈیوں کو ڈرین کی ہر روز صفائی کیا کریں تاکہ بارش کے پانی کا دونوں منڈیوں میں کھڑا نہ ہوں انہوں نے دونوں منڈیوں کے آڑھتیوں سے بھی ملاقات کی اور ان کو کہا کہ وہ بارش کے دنوں میں اپنی دکانوں میں ڈینگی سپرے کروائیں مارکیٹ کمیٹی کا عملہ ان کی دکانوں میں سپرے کریں گے وزیراعلیٰ پنجاب میاں شہباز شریف کی ہدایت پر بارشوں میں سیلاب متاثرین کی امداد کیلئے ان کی مکمل امداد کی جا رہی ہے اور متاثرین علاقوں میں ڈینگی سپرے بھی کیا جا رہا ہے تاکہ اس بیماری کو کنٹرول کیا جا سکے۔