لاہور ( سٹاف رپورٹر) ریلوے ہیڈ کوارٹرز لاہور میں افسران اور ملازمین سمیت ریلوے اسٹاف کے لیے ایئر کنڈیشنڈ کیفے ٹیریا کا افتتاح کردیا گیا، چیف ایگزیکٹو آفیسر محمد جاوید انور نے کیفے ٹیریا کا افتتاح کرتے ہوئے اس توقع کا اظہار کیا کہ جدید سہولتوں سے آراستہ یہ کیفے ٹیریا، مناسب نرخوں پر معیاری کھانا فراہم کرتا رہے گا۔ اس موقع پر ایڈ یشنل جنرل منیجر ٹریفک مقصود النبی ، چیف مارکیٹنگ منیجر زبیر شفیع غوری، چیف کمرشل منیجر خالد خورشید کنور ، ڈپٹی جنرل منیجر فرید احمد اور دیگر ریلوے افسران بھی موجود تھے۔