لاہور(خبر نگار)منیجنگ ڈائریکٹر لاہور ویسٹ مینجمنٹ کمپنی( ایل ڈبلیوایم سی) خالد مجید نے بادامی باغ اور ملتان روڈ سبزی و فروٹ منڈی کا اچانک دورہ کیا اور بارشوں کے بعد منڈیوں میں جاری کلین اپ آپریشنز کی نگرانی کی۔ سیکریٹری مارکیٹ کمیٹی بادامی باغ منڈی شہزاد چیمہ نے ان سے ملاقات کی اور صفائی انتظامات پر ایل ڈبلیوایم سی کا شکریہ ادا کیا۔اس موقع پرخالد مجید کا کہنا تھاکہ ایل ڈبلیوایم سی نے بارش کے بعد شہر کی دونوں بڑی منڈیوں میں صفائی کی صورتحال بہتر کرنے کے لیے ورکرزبشمول منی ڈمپرز، لوڈرز تعینات کئے ہیں جو ٹیموں کی صورت میں ویسٹ کلیئر کریں گے۔