دھاندلی کا کیس جھوٹ پر مبنی تھا ,سچ کا ہمیشہ بول بالا ہوتا ہے:مریم نواز

جوڈیشل کمیشن کی رپورٹ آنے پر مریم نواز نے ٹویٹرپر اپنے ایک پیغام میں کہا ہے کہ سچ کا ہمیشہ بول بالا ہوتا ہے اللہ تعالی بھی سچ کے ساتھ ہیں ۔ جھوٹ ہمیشہ جھوٹ ہی رہتا ہے۔ مریم نواز نے دھاندلی الزامات سے متعلق حکومت کو کلین چٹ ملنے پر اللہ تعالی کا شکریہ ادا کیا ہے۔ مریم نواز نے وزیراعظم کی استقامت اور ثابت قدمی کو سلام پیش کرتے ہوئے کہا کہ تمام تر صورتحال میں نواز شریف نے کبھی بھی صبر کا دامن ہاتھ سے نہیں چھوڑا۔ الزامات کی بوچھاڑ کے باوجود وزیراعظم کا صبر کرنا رائیگاں نہیں جائے گا۔