فیروز والا (نامہ نگار) نامعلوم افراد نے 25 سالہ نامعلوم خاتون کو ہاتھ پا¶ں باندھ کر اور گلے میں پھندا ڈال کر ہلاک کرنے کے بعد نعش برساتی نالہ میں پھینک دی اور فرار ہو گئے۔ بتایا گیا ہے کہ کوٹ عبدالمالک کے قریب برساتی نالہ بھیڈ میں راہگیروں نے خاتون کی نعش پڑی ہوئی دیکھ کر پولیس فیکٹری ایریا کو اطلاع دی۔ پولیس نے موقع پر جا کر مقتولہ کی نعش قبضہ میں لے کر پوسٹ مارٹم کے لئے ہسپتال بھیج دی۔ پولیس نے نامعلوم افراد کے خلاف قتل کے الزام میں مقدمہ درج کر لیا۔ دوسری طرف شاہدرہ ٹا¶ن کے علاقہ قیصر ٹا¶ن میں لیاقت علی کا گیارہ سالہ بیٹا اورنگزیب گھر سے بازار دکان پر گیا اور واپس نہ آیا نامعلوم افراد اسے اغوا کر کے لے گئے۔ شاہدرہ ٹا¶ن پولیس نے مغوی کی والدہ کی رپورٹ پر مقدمہ درج کر لیا ہے۔ صدر تھانہ کے علاقے محلہ رسول پورہ میں 20 سالہ نوجوان منصور الماس گھر سے کام پر گیا، راستے میں نامعلوم افراد نے اسے اغوا کر لیا۔ پولیس نے واقع کی رپورٹ درج کر لی۔
فیروز والا نعش