کراچی (اسٹاف رپورٹر)کراچی کے علاقے ولیکا چورنگی میں مسلح ملزمان کی فائرنگ کے نتیجے میں شوہر جاں بحق اور بیوی شدید زخمی ہوگئی ہے ۔تفصیلات کے مطابق تھانہ سائٹ اے کی حدود ولیکا چورنگی پٹھان کالونی میں مسلح ملزمان نے گھر میں گھس کر فائرنگ کردی ،جس کے نتیجے میں راشد خان جاں بحق اور اس کی بیوی شبینہ زخمی ہوگئی ۔زخمی خاتون کو طبی امداد کے لیے اسپتال منتقل کردیا گیا ہے ۔پولیس کا کہنا ہے کہ ابتدائی طور پر شبہ ہے کہ فائرنگ کا واقعہ کاروکاری کا شاخسانہ ہے۔گھر کے اندر مقتول کی ایک شیر خوار بیٹی بھی تھی جو محفوظ رہی۔زخمی خاتون بیان دینے کے قابل نہیں ہے۔فائرنگ کی اصل وجہ شبینہ کے بیان کے بعد سامنے آئے گی۔مرد اور خاتون کا آبائی تعلق مالاکنڈ سے ہے۔
ولیکا چورنگی/فائرنگ