پتوکی: ٹرک سڑک کنارے کھڑے کنٹینر سے جا ٹکرایا‘4 افراد جاں بحق

قصور(نمائندہ نوائے وقت) ملتان روڈ ٹول پلازہ پتوکی کے قریب سٹر ک کنارے کھڑے کنٹینر سے مزدا ٹرک ٹکرانے سے چار افراد موقع پر ہی جاںبحق ہو گئے۔ بورے والا کے رہائشی کاشف، عرفان اور افضل لاہور سے مزدا ٹرک نمبری MNL/4144پر سوار ہوکر واپس بورے والا جا رہے تھے کہ جب ٹرک ٹول پلازہ کے قریب پہنچا تو سڑک کنارے مرمت کے لئے کھڑے کنٹینر سے جا ٹکرائے جس سے ٹرک سوار تنیوں افراد جبکہ ٹرک کی مرمت کرنے والا پتوکی کا رہائشی عبدالستار بھی ٹرک کی زد میں آکر کچلا گیا اور موقع پر ہی جاںبحق ہو گیا۔ واقعہ کی اطلاع پا کر ریسکیو1122کا عملہ موقع پر پہنچ گیا اور نعشوں کو نکال کر ہسپتال منتقل کر دیا۔ پولیس تھانہ صدر پتوکی مصروف کارروائی ہے۔