لاہور( سپورٹس رپورٹر +نمائندہ سپورٹس) چار روزہ انٹرا سکواڈ پریکٹس میچ میں 5وکٹیں حاصل کرنیوالے سہیل خان نے کارکردگی کا کریڈیٹ وقار یونس کو دیتے ہوئے کہا کہ قومی ٹیم کے باؤلنگ کوچ نے لیٹ سوئنگ کے گر سکھائے ہیں۔ انگلینڈ میں کنڈیشنز پاکستان سے مختلف ہیں، یہاں ہر باؤلر کا گیند سوئنگ ہوتا ہے۔ 4 سال بعد ٹیم میں واپسی پر فخر ہے۔ نوجوان فاسٹ باؤلرز نسیم شاہ اور شاہین شاہ آفریدی باصلاحیت کھلاڑی ‘ وہ دونوں کی کارکردگی پر بہت خوش ہیں۔ نسیم شاہ کو 150 کی رفتار پر باؤلنگ کرتے دیکھنا پرمسرت لمحہ ہوتاہے۔