کراچی (نیٹ نیوز) کراچی میں فرقہ وارانہ ٹارگٹ کلنگ میں ملوث کالعدم تنظیم کے 5دہشت گردوں کو گرفتار کر لیا گیا۔ یہ گرفتاری انسداد دہشتگردی ڈیپارٹمنٹ کی جانب سے خفیہ آپریشن میں ہوئی۔ انچارج سی ٹی ڈی علی رضا کے مطابق دہشتگردوں کے قبضے سے ہٹ لسٹ اور مختلف اقسام کا اسلحہ بھی برآمد کر لیا گیا ہے۔ گرفتار ہونے والے ان دہشتگردوں کا تعلق کالعدم تنظیم لشکر جھنگوی سے ہے۔ انہوں نے بتایا کہ دہشتگردوں نے ٹارگٹ کلنگ کی 6 سے زائد وارداتوں میں ملوث ہونے اور چار ٹیموں کے فعال ہونے کا انکشاف کیا ہے۔ ٹارگٹ کلرز مذہبی، سکیورٹی فورسز اور دیگر افراد کو نشانہ بنانا چاہتے تھے۔