تربیلا سوئچ یاڈر کے قریب آتشزدگی ، بیچنگ پلانٹ کے درمیانی ایرہا کو لپیٹ میں لے لیا

تربیلا (نامہ نگار)تربیلا سوئچ یاڈر کے قریب خوفناک آتشزدگی ۔آگ نے سوئچ یاڈر اور بیچنگ پلانٹ کے درمیانی ایرہا کو اپنی لپیٹ میں لے لیا۔ دو گھنٹوں کی سرتوڑ کوشش کے بعد آگ پر قابو پالیا گیا ۔تفصیلات کے مطابق بدھ کے روز تربیلا پاور اسٹیشن کے سوئچ یاڈر اور تربیلا چوتھے توسیعی منصوبہ کی چینی ٹھیکیدار فرم کے بیچنگ پلانٹ کے درمیانی ایریا میں موجود خودرو جھاڑیوں میں 500kvکی ہائی پاورٹرانسمشن لائن میں ہونے والیsparking سے اچانک آگ بھڑک اٹھی جس نے آنافنا وسیع رقبہ کو اپنی لپٹ میں لے لیا ہے۔آگ لگنے کی اطلاع ملتے ہی تربیلا ڈیم انتظامیہ نے فائر برگیڈ کو طلب کر لیا ۔ جنہوں نے دو گھنٹوں کی جد وجہد کے بعد آگ پر قابو پا لیا ۔ ذرائع کا کہناہے کہ اگر بروقت آگ پر قابو نہ پایا جاتا تو نہ صرف غیر ملکی فرم کے سامان جل جاتا بلکہ سوئچ یاڈر بھی متاثر ہو جاتا جس سے بڑے نقصان کا خدشہ تھا۔