ہاتھ پائوں بندھی تشدد زدہ سمیت 2نامعلوم نعشیں برآمد

لاہور(وقائع نگار) سڑک سے35سالہ نامعلوم شخص کی تشدد زدہ نعش برآمد، پولیس نے نعش پورسٹمارٹم کیلئے منتقل کر کے ورثا کی تلاش شروع کر دی۔ ستوکتلہ کے علاقہ واپڈا گول چکر کے قریب 35سالہ نامعلوم شخص کی ہاتھ پاوں بندھی خون آلود نعش دیکھ کر مقامی رہائشیوں میں خوف وہراس پھیل گیا ۔اطلاع ملنے پر پولیس نے موقع پر پہنچ کر نعش قبضے میں لے کر پوسٹ مارٹم کیلئے منتقل کر کے ورثا کی تلاش شروع کر دی۔ ایدھی ترجمان کے مطابق 35 سالہ شخص کے ہاتھ بندھے ہوئے اور گلے میں پھندے کا نشان پایا گیا ہے اس کی تاحال شناخت نہ ہو سکی ہے جبکہ پولیس کا کہنا ہے کہ قریبی سی سی ٹی وی کیمروں کی مدد سے لاش پھینکنے والے ملزمان کی شناخت کی کوشش کی جا رہی ہے۔مناواں کے علاقہ سیفن گائوں کے قریب سے نامعلوم شخص کی نعش برآمد ہوئی ہے۔تیس سالہ نامعلوم شخص نشے کی زیادتی کے باعث جاں بحق ہوا۔ایدھی رضاکاروں نے لاش مردہ خانے منتقل کر دی۔