سی ای او پی آئی اے نے پنشن کا معاملہ اعلی سطح پر اٹھانے کی یقین دہانی کرادی، منصور  

راولپنڈی (سٹاف رپورٹر) سی ای او پی آئی اے  عامر حیات  سے پاکستان انٹرنیشنل ایئر لائنز ریٹائرڈ ایمپلائز ایسوسی ایشن اسلام آباد کے صدر منصور ڈلو اور جنرل سیکرٹری حافظ یاسین  نے پی آئی اے ہیڈ آفس اسلام آباد میں ملاقات کی اس ملاقات میں سی ایچ آر او عامر الطاف اور پی آئی اے کے ترجمان عبداللہ حفیظ خان بھی موجود تھے اس ملاقات میں پی آئی اے کے ریٹائرڈ ملازمین کی پینشن کے حوالے سے تفصیلی بات چیت ہوئی سی ای او پی آئی اے عامر حیات  نے ریٹائرڈ ملازمین کے مسائل پر مثبت اقدامات کا اشارہ دیا  اور جلد ہی ملازمین کی پینشن کے حوالے سے مسائل کو اعلی سطح پر اٹھانے کی یقین دہانی کروائی آخر میں ریٹائرڈ ملازمین کے صدر  منصور ڈلو اور جنرل سیکرٹری   حا فظ یاسین  نے سی ای او عامر حیات کا شکریہ ادا کیا ۔