لاہور(سپورٹس رپورٹر)پاکستان کے نامور ٹینس سٹار اعصام الحق قریشی اور ان کے قزاخستان کے جوڑی دار الیگزینڈر نیڈووییسوف سوئس اوپن ٹینس ٹورنامنٹ مینز ڈبلز کے ابتدائی میچ میں ہار کر ایونٹ سے باہر ہوگئے ۔ان کو اے ٹی پی سوئس اوپن ٹینس ٹورنامنٹ میں مردوں کے ڈبلز مقابلوں کے پہلے رائونڈمیں ہسپانوی جوڑی نے شکست دی۔اے ٹی پی سوئس اوپن ٹینس ٹورنامنٹ کے دلچسپ اور کانٹے دار مقابلے سوئٹزرلینڈ میں جاری ہیں۔ سوئس اوپن ٹینس ٹورنامنٹ مینز ڈبلز کے ابتدائی میچ میں پیڈرو مارٹنیز پورٹرو اور جیوم انتونی منار کلر پر مشتمل ہسپانوی جوڑی نے حریف پاکستان کے نامور ٹینس سٹار اعصام الحق قریشی اور ان کے قزاخستان کے جوڑی دار الیگزینڈر نیڈووییسوف کو ٹائی بریک پر سیدھے سیٹس میں 6-7(5-7) اور 3-6 سے ہرا کر ٹورنامنٹ کے کوارٹر فائنل کے لئے کوالیفائی کرلیا۔