پانی میں پھنسی گاڑیوں کو نکانے میں مددکرنے پر شہریوں کا ٹریفک پولیس سے اظہار تشکر

شیخوپورہ(نمائندہ نوائے وقت+ نامہ نگار خصوصی) سخت موسمی حالات میں بھی ٹریفک پولیس شیخوپورہ اپنی ڈیوٹی دیتے رہے،پانی میں پھنسی مسافر گاڑیوں کو نکانے میں مدد فراہم کرنے کے احسن اقدام پر شہری ٹریفک پولیس ملازمین سے اظہار تشکر کرتے نظر آئے، بتایا گیا ہے کہ گزشتہ روز شیخوپورہ میں طوفانی بارش کے دوران شیخوپورہ کی ٹریفک پولیس کے اہلکار پانی میں آدھا دھڑ ڈوبا ہونے کے باوجود چٹان کی طرح نہ صرف ٹریفک کنٹرول کرتے نظر آئے بلکہ بند گاڑیوں کو دھکا لگا کر شہریوں کی مدد کرتے بھی دکھائی دئیے،پہلی بار ٹریفک پولیس کا مثالی کردار دیکھتے ہوئے عوام نے پولیس کے اہلکاروں کو بے حد سراہا جبکہ ٹریفک پولیس کا یہ نیا کردار ڈسٹرکٹ ٹریفک آفیسر شیخوپورہ اقبال حمید راں کی کاوشوں کا نتیجہ ہے۔