لاہور( خصوصی نامہ نگار)تحریک دعوت توحید کے مرکزی قائدمیاں محمدجمیل نے جامع ا¿بی ہریرہؓ کریم بلاک اقبال ٹاو¿ن میں اجتماع سے خطاب کرتے ہوئے کہا کہ سیدناعمرؓ کی جرا¿ت وبہادری دنیا میں ضرب المثل ٹھہری۔قیصروکسریٰ جیسی سپر پاورز لرزہ براندام رہتی تھیں۔ سیدناعمرؓ نے 22لاکھ مربع پر اسلام کا پرچم لہرایا،دنیاکومثالی بنایا،امن سے بھر دیا۔ سیدناعمرفاروقؓ نے گرانقدرخدمات انجام دیں جوتاریخ میں آب زر سے لکھنے کے قابل ہیں۔ تاریخ اسلام سیدنا عمرفاروقؓ کے تذکرے کے بغیر نامکمل رہے گی اور دنیاسیدنافاروق اعظمؓ کے نظام عدل ومساوات کی ہمیشہ مقروض رہے گی۔ سیدناعمرفاروقؓ مراد رسول بن کراسلام میں آئے اور پھر واقعی ہی اطاعت وفرمانبرداری کویادگاربنادیا۔