لاہور(سپورٹس رپورٹر)ازبکستان کے شہر تاشقند میں شروع ہونے والی ایشین انڈر16 والی بال چیمپئن شپ کے پہلے میچ میں قومی ٹیم نے چائنیز تائپے کیخلاف شاندار کھیل پیش کیا۔کھلاڑیوں نے ٹیم ورک کا بہترین مظاہرہ کرتے ہوئے چائنیز تائپے کو تین صفر سے آؤٹ کلاس کردیا۔پہلا گیم 15-25 سے جیتا، دوسرا 18-25 اور  تیسرا گیم 16-25 سے جیت کر ایونٹ میں فاتحانہ آغاز کیا۔پاکستان جونیئرز  اپنا اگلا میچ  پیر کو منگولیا کے خلاف کھیلیں گے، ایشین انڈر 16 والی بال چیمپئن شپ میں 12 ٹیمیں شریک ہیں۔