راولپنڈی (جنرل رپورٹر)راولپنڈی ویسٹ مینجمنٹ کمپنی کے مینیجر آپریشنز تحصیل محمد فاروق کی سربراہی میں مری کی صفائی پر مامور راولپنڈی ویسٹ مینجمنٹ کمپنی کے ورکرزشہر میں سیاحوں کے رش اور بھیڑ کے باوجود اپنے فرائض پوری تندہی سے انجام دے رہے ہیں،اور آنیوالے مہمانوں کو کسی بھی پل گندگی اور کوڑا کرکٹ محسوس نہیں ہونے دیتے، راولپنڈی ویسٹ مینجمنٹ کمپنی مری میں محرم الحرام کے سلسلے میں دن اور رات کی شفٹوں میں امام بارگاہوں اور مرکزی جلوس کے روٹ کی صفائی کیلئے بھی مصروف عمل ہے،محرم صفائی پلان کے ساتھ ساتھ ورکرز شہر کی معمول کی صفائی بھی مسلسل کر رہے ہیں اور اس رش میں بھی وہ کوڑا کرکٹ کو ٹھکانے لگانے کا کام جاری رکھے ہوئے ہیں، راولپنڈی ویسٹ مینجمنٹ کمپنی کے مینیجر آپریشنز تحصیل محمد فاروق نے کہا ہے کہ مری آنیوالے افراد بھی صفائی میں تعاون کریں اور کوڑا کرکٹ کو ویسٹ بیگز میں ڈال کر کوڑا دان میں ڈالیں۔