لاہور (خصوصی نامہ نگار)جامعہ اشرفیہ لاہور میں اس سال حج کی سعادت حاصل کرنے والے مرد و خواتین حجاج کرام کے اعزاز میں ’’حج کے بعد زندگی کیسے گزاریں‘‘ کے عنوان پر تقریب ہوئی جس سے جامعہ اشرفیہ لاہور کے مہتمم مولانا حافظ فضل الرحیم اشرفی نے خطاب کرتے کہا کہ حجاج کرام مبارکباد کے مستحق ہیں کہ اللہ تعالیٰ نے حج کی سعادت کے حاصل کرنے والے خوش قسمت لوگوں سے معافی اور بخشش کا وعدہ فرمایا ہے اب آپ نے اپنی باقی زندگی کو دین اور شریعت کے مطابق نیکی اور تقویٰ کیساتھ گزارنی ہے۔