لاہور(سپورٹس رپورٹر)پاکستان کے عاصم خان نے امریکہ میں ہونیوالی جونز کریک اوپن سکواش چیمپئن شپ جیت لی ہے۔ ا مریکی ریاست جارجیا میں ہونے والی جانز کریک اوپن چیمپئن شپ کے فائنل میں عاصم خان نے اپنے ہم وطن اشعب عرفان کو 1-3سے شکست دے کر فتح اپنے نام کی،12ہزار ڈالرز انعامی رقم والے ایونٹ کے فائنل میں ورلڈ نمبر 73اور پاکستان کے ٹاپ پلیئر عاصم خان نے پہلا گیم ہارنے کے بعد کم بیک کرتے ہوئے اشعب عرفان کے خلاف کامیابی حاصل کی۔ سیکنڈ سیڈ عاصم کا تھرڈ سیڈ اشعب کیخلاف جیت کا سکور 11-7، 7-11، 4-11اور 4-11رہا۔ یہ عاصم خان کا اس سال کا تیسرا اور کیرئیر کا 10واں پی ایس اے ٹائٹل ہے۔ اس سے قبل سال 2024 میں عاصم خان نے واشنگٹن میں وائلڈ کارڈ چیلنجر جبکہ مارچ میں سکواش انسپائر چیلنجر ٹورنامنٹ جیتا تھا۔