لاہور(سپورٹس رپورٹر)انگلینڈ اینڈ ویلز کرکٹ بورڈ (ای سی بی ) کے زیر اہتمام ہنڈرڈ کرکٹ کمپٹیشن کا چوتھا ایڈیشن آج سے انگلینڈ میں شروع ہوگا جس میں 8 ٹیمیں ٹائٹل کے حصول کیلئے ایکشن میں ہوں گی۔ٹورنامنٹ میں شامل 8 ٹیموں میں ٹرینٹ راکٹس ، برمنگھم فینکس ،لندن سپرٹ ،مانچسٹر اوریجنلز،ناردرن سپر چارجرز،اوول انوینسیبل، سدرن  برئیو اور ویلش فائر شامل ہیں۔ٹورنامنٹ کا پہلا میچ آج  برمنگھم فینکس اوراوول انوینسیبل کے درمیان کیننگٹن اوول، لندن میں کھیلا جائے گا۔ہنڈرڈ ایک پیشہ ورانہ 100 گیندوں پر مشتمل کرکٹ ٹورنامنٹ ہے جس میں انگلینڈ اور ویلز کے بڑے شہروں سے 8 مردوں کی ٹیمیں ٹائٹل کے حصول کیلئے پنجہ آزمائی کررہی ہیں۔