مریدکے: ڈاکوؤں نے تاجر سے نقدی‘موبائل چھین لیا

مریدکے(نامہ نگار) مریدکے جی ٹی روڈ پر شیخانوالہ پمپ کے قریب موٹر سائیکل سوار دو ڈاکوؤں نے تاجر سہیل ماجد کو لوٹ لیا اور ایک لاکھ پچاس ہزار روپے ‘ موبائل اور ضروری کارڈز چھین کر فرار ہو گئے۔ تاحال مقدمہ درج نہ ہو سکا۔ متاثرہ شخص سہیل ماجد کے والد ذوالفقار کی مطابق سہیل بنک سے رقم نکلوا کر واپس گھر آ رہا تھا کہ راستے سے ڈاکو پیچھا کرتے گھر کی دہلیز پر آ پہنچے۔ چھوٹے بیٹے کے دروازہ کھولتے ہی ڈاکوؤں نے اسے بھی یرغمال بنا کر سہیل سے ایک لاکھ پچاس ہزار روپے ‘ موبائل اور ضروری کارڈز چھین لئے اور فرار ہو گئے ذوالفقار کیمطابق تھانہ میں درخواست دے آیا ہوں فرنٹ ڈیسک سلپ تو نہیں دی لیکن پولیس نے کہا ہے کہ کل مقدمہ درج کر دیا جائیگا۔