کامونکی:ڈاکو2رائس ملز سے لاکھوں روپے ،ٹرانسفارمر،تار، چاول لوٹ کر فرار

کامونکی(نمائندہ خصوصی)پندرہ کے قریب ڈاکو دورائس ملز سے لاکھوں روپے نقدی،ٹرانسفارمر،تاراور چاول لوٹ کر فرار،جبکہ واردات کے بعد ڈاکو دونوں فیکٹریوں سے سی سی ٹی وی کیمروں کے ڈی وی آربھی ساتھ لے گئے۔بتایا گیاہے کہ گذشتہ رات پورنپور روڈ پر واقع نجی رائس ملزمیں پندرہ ڈاکو گھس گئے جنہوں نے فیکٹری مالک عبدالقیوم کے تین چوکیداروں کویرغمال بناکر دفتر میں پڑے بائیس لاکھ روپے نقدی لوٹ لئے اور پھر فیکٹری کا ٹرانسفارمر،تاراور پانچ تھیلے چاول پک اپ میں لوڈ کرساتھ والی فیکٹری میں داخل ہوگئے اور وہاں سے بھی ڈاکوؤں نے دس تھیلے چاول چھین لئے جبکہ ملزمان جاتے ہوئے دونوں فیکٹریوں سے سی سی ٹی وی کیمروں کے ڈی اوآر بھی ساتھ لے گئے۔ایمن آباد پولیس مصروفِ تفتیش ہے۔