کئی گھروں میں لاکھوں کے ڈاکے، کاریں، موٹر سائیکلیں چوری 

لاہور (نامہ نگار) ڈاکوؤں اور چوروں نے متعدد شہریوں سے لاکھوں روپے مالیت کی نقدی، طلائی زیورات، موبائل فون، موٹر سائیکلیں، گاڑیاں اور دیگر سامان لوٹ لیا۔ تفصیلات کے مطابق ڈاکوؤں نے ساندہ کے علاقے میں اشرف کے گھر میں گھس کر اہلخانہ کو  یرغمال بنا کر6 لاکھ روپے مالیت کی نقدی، طلائی زیورات، موبائل فون اور دیگر سامان، کاہنہ کے علاقے میں تقویم اور اس کی فیملی سے 4 لاکھ روپے مالیت کی نقدی، زیورات اور موبائل فون، گجر پورہ کے علاقے میں سلیم سے 60 ہزار روپے اور موبائل فون، مصطفی ٹاؤن کے علاقے میں جواد سے  45ہزار روپے اور موبائل فون، شمالی چھاؤنی کے علاقے میں نادر سے اسلحہ کے زور پر ایک لاکھ روپے اور موبائل فون، نصیر آباد کے علاقے میں رحمن سے 17ہزار روپے اور موبائل فون، بادامی باغ کے علاقے میں صابر سے 5ہزار روپے اور موبائل فون لوٹ لیا، چوروں نے گرین ٹاؤن کے علاقے میں اعجاز کے گھر کے تالے توڑ کر 4 لاکھ روپے مالیت کی نقدی، زیورات الیکٹرانکس کا سامان چور ی کر لیا۔ چوروں کے ڈیفنس، جوہر ٹاؤن اور گلبرگ کے علاقوں میں سے 3کاریں، اسلام پورہ اور لاری اڈہ کے علاقوں میں سے 2 رکشے جبکہ لوئر مال، کوٹ لکھپت، سبزہ زار، ڈیفنس سی، پرانی انارکلی اور گلشن راوی کے علاقوں میں سے 6 موٹر سائیکلیں چوری کر لی ہیں۔