گلستان جوہر میں نامعلوم افراد کی فائرنگ سے دو افراد ہلاک اور دو زخمی ہوگئے۔ تھانہ الفلاح کی حدود میں نامعلوم افراد کی فائرنگ سے زخمی ہونے والا مبین الحق آج صبح ہسپتال میں دم توڑگیا ۔ ادھر ملیر ، ابراہیم حیدری اور گلستان جوہر کے علاقوں میں ہوائی فائرنگ سے  خوف ہراس پھیل گیا اور دکانیں بند کرا دی گئیں ۔  لیاری میں عبدالجبار نامی شخص کو اغوا کے بعد قتل کردیا گیا ، شاہراہ نورجہاں پرکٹی پہاڑی کے قریب اور قصبہ کالونی میں مسافر بسوں پر فائرنگ سے ایک شخص ہلاک اور چار زخمی ہوگئے جبکہ شاہ فیصل اور ملیر میں مختلف فائرنگ کے واقعات میں تین افراد زخمی ہوئے۔  پولیس کے مطابق پی این ٹی کالونی میں فائرنگ سے ہلاک ہونے والے چاروں افراد کو زمین کے تنازعے پر قتل کیا گیا ۔