سکھیکی: گدھا گاڑی سے ٹکرا کر موٹر سائیکل سوار 2 دوست جاں بحق، تیسرا زخمی

سکھیکی (نامہ نگار) سکھیکی میں موٹر سائیکل کی گدھا گاڑی سے ٹکر کے نیتجہ میں دو دوست جاں بحق اور تیسرا زخمی ہو گیا۔ گزشتہ رات سکھیکی کے محلہ پرانی منڈی کا رہائشی ندیم اور محلہ فاروق اعظم کا رہائشی ذیشان عرف چاند موٹر سائیکل پر اپنے تیسرے دوست اسد کو لے کر محلہ حاجی پورہ سے سکھیکی منڈی کی طرف آرہے تھے جب قبرستان کے قریب پہنچے تو موٹر سائیکل سامنے سے آنے والی گدھا گاڑی سے ٹکر اگیا جس کے نتیجہ ندیم اور ذیشان موقع پر جاں بحق ہوگئے جبکہ ان کا تیسرا ساتھی اسد زخمی ہو گیا، جسے ایک نجی ہسپتال پہنچا دیا گیا جہاں اس کی حالت تسلی بخش ہے، جاں بحق ہونے والے دونوں نوجوانوں کو بڑے قبرستان نہر رکھ برانچ والے میں سپردخاک کر دیا گیا ہے، نماز جنازہ میں زندگی کے مختلف طبقوں سے تعلق رکھنے والے لوگو ں کی بڑی تعداد نے شرکت کی۔