لاہور (خبر نگار) مسلم لیگ ق کے صدر اور سابق وزیراعظم چودھری شجاعت حسین نے پی پی 97گوجرانوالہ سے ق لیگ کے امیدوار چودھری ناصر محمود چیمہ کو کامیابی پر مبارکباد دی ہے۔ 2013ء کے الیکشن میں ناصر محمود چیمہ کامیاب ہوئے تھے۔ رزلٹ میں مبینہ ردوبدل پر انہوں نے الیکشن ٹربیونل میں درخواست جمع کروا دی، الیکشن ٹربیونل کے حکم پر قلعہ دیدار سنگھ کے 7، گکھڑ کے 17اور دیگر 10پولنگ سٹیشن پر دوبارہ الیکشن ہوئے۔ قبل ازیں 118پولنگ سٹیشن میں سے 85پولنگ سٹیشن پر چودھری ناصر محمود چیمہ نے 17187ووٹ حاصل کئے تھے جبکہ ان کے مخالف مسلم لیگ ن کے امیدوار کو 16250ووٹ ملے تھے، اس طرح وہ 837ووٹوں سے پہلے ہی لیڈ کر رہے تھے۔