خاوند نے بھائی اور باپ کی مدد سے بیوی کو زہر دیکر مار ڈالا، ملزم گرفتار

کوٹ رادھاکشن (نامہ نگار) اولاد نہ ہونے کی پاداش میں خاوند نے بھائی اور باپ کی مدد سے بیوی کو زہر دے کر قتل کردیا۔ پولیس نے مقتولہ کی بہن ثمینہ اسلم کی درخواست پر مقدمہ قتل درج کرکے ملزمان کو گرفتار کرلیا، کوٹ رادھاکشن کے محلہ جج والا کے عرفان کی شادی ردا اسلم سے تین سال قبل ہوئی جس سے کوئی اولاد نہ ہوئی گھر والے جو عرفان کی دوسری شادی کرنا چاہتے تھے طعنے لڑائی جھگڑا معمول بن گیا تقریبا دو ماہ قبل عرفان نے ردا کو گھر سے نکال دیا جو میکے چلی گئی ردا اپنی بہن نبیلہ کے گھر میں تھی کہ ملزمان صلح کے بہانے گھر میں داخل ہوئے اور کوئی زہریلی چیز کھلادی ردا کی خطرناک حالت کی وجہ سے اُسے لاہور ریفر کردیا گیا جہاں پر وہ گذشتہ رات وفات پاگئی پولیس نے مقدمہ قتل درج کرکے ملزمان کو گرفتار کرلیا۔