صنعاء (این این آئی)یمن میں سرگرم عرب اتحادی فوج نے بر وقت کارروائی کر کے حوثی ملیشیا کی طرف سے سعودی عرب پر حملے کیلئے اڑائے گئے دو ڈرون طیاروں مار گرائے جس کے نتیجے میں سعودی عرب کو تباہی سے بچا لیا گیا، عرب اتحادی فوج نے دونوں ڈرون یمن کی فضاء میں ہی تباہ کر دیئے۔غیر ملکی میڈیا رپورٹ کے مطابق یمن میں آئینی حکومت کی رٹ کی بحالی کیلئے قائم عرب عسکری اتحاد کے ترجمان کرنل ترکی المالکی نے بتایا کہ ایران نواز حوثی شدت پسندوں نے جمعہ اور ہفتہ کی رات دو مسلح ڈرون طیارے سعودی عرب کی طرف اڑائے جنہیں صنعاء کے قریب یمن کی فضائی حدود کے اندر تباہ کر دیا۔، عرب اتحادی فوج نے ان طیاروں کی نشاندہی کے بعد انہیں صنعاء کے قریب یمن کی فضائی حدود کے اندر تباہ کر دیا۔