لاہور(سپورٹس رپورٹر) پاکستان کرکٹ ٹیم کے سپن باولنگ کوچ مشتاق احمد کا شاداب خان، حیدر علی اور حارث روف کے لیے نیک تمناوں کا اظہار خیال۔ اپنے سوشل میڈیا پیغام کے ذریعے ان کا کہنا تھا کہ میری دعائیں شاداب خان ، حیدر علی اور حارث روئف کے ساتھ ہیں، تینوں کھلاڑی مضبوط ہیں اور جلد صحتیاب ہوں گے۔ مشتاق احمد نے کھلاڑیوں کو مشورہ دیا کہ مثبت سوچ کے ساتھ قرنطنیہ میں رہیں اور جوشیلہ کم بیک کریں۔ دورہ انگلینڈ کے لیے پاکستان کرکٹ بورڈ نے اعلان کردہ کھلاڑیوں اور آفیشلز کے کرونا ٹیسٹ مکمل کیے ہیں جن میں سے ابتدائی رپورٹ میں تین کھلاڑیوں شاداب خان ، حارث روف اور حیدر علی کا کورونا ٹیسٹ مثبت آیا تھا۔