لاہور (خصوصی نامہ نگار)واسا لاہور اور لیسکو میں   واجبات  کے معاملات طے پانے کے بعد شہر میں مرحلہ وار  نصب ٹیوب ویلز کی بجلی بحال ہو گئی۔ واسا نے ٹیوب ویلز  کے خراب میٹرز نصب ہونے کے اعتراض پر بقایا جات روک لئے  تھے اور لیسکو نے ٹیوب ویلز کو بجلی کی سپلائی روک دی  تھی۔ خراب میٹرز بدلنے کی یقین دہانی پر واسا نے تمام واجبات ادا کر دئیے۔ ایم ڈی واسا کے مطابق مزید شہریوں کو ریلیف دینے کیلئے ٹیوب ویلز کے اوقات کار بڑھانے کی ہدایات بھی کر دی گئی ہیں۔