کراچی (  سٹی نیوز ) پاکستان پیپلزپارٹی ضلع وسطی کے زیراہتمام سینئر پی پی پی رہنماسید سہیل عابدی کی جانب سے ان کی رہائشگاہ یوسف پلازہ میں شہید بے نظیر بھٹوکی 69ویں سالگرہ کی تقریب کاانعقاد کیاگیا اس موقع پر وزیراعلیٰ سندھ کے معاون خصوصی وپاکستان پیپلزپارٹی سندھ کے جنرل سیکریٹری وقارمہدی، ضلع سینٹرل کے صدر سید مسروراحسن،سیدسہیل عابدی، آصف خان، دل محمدخان، شہزادمجید ودیگرنے شہید بے نظیر بھٹوکی سالگرہ کا کیک کاٹا۔ تقریب میں پاکستان پیپلزپارٹی کے رہنمائوں اور پارٹی جیالوں کی بڑی تعداد سمیت دیگر سیاسی سماجی شخصیات نے بھی شرکت کی۔