اللہ نے عمران کی چال الٹ دی، ذہنی حالت پر ترس آنے لگا ہے: مریم نواز 

لاہور (نوائے وقت رپورٹ) مریم نواز نے ٹویٹ میں کہا ہے کہ عمران خان کو بہت گہرا اور ناقابل تلافی صدمہ پہنچا ہے۔ عمران خان نے شہباز شریف پر جھوٹے کیسز بنا کر میدان سے آؤٹ کرنے کی کوشش کی۔ اللہ تعالیٰ نے عمران خان کی چال اس پر الٹ دی۔ عمران خان حسد اور صدمے میں اب باقی زندگی بھی گزارنے والے ہیں۔ نیند میں بھی نیوٹرل نیوٹرل کا راگ الاپا کریں گے۔ عمران خان بڑبڑایا کریں گے شہباز شریف نے سفیر کو کیک کھلایا۔ عمران خان کی ذہنی حالت پر ترس آنے لگا ہے۔