لاہور(سپورٹس ڈیسک ) انگلینڈ نے نیدر لینڈز کو سیریز کا تیسرا ون ڈے میچ بھی ہرا کر سیریز میں کلین سویپ مکمل کرلیا۔ نیدر لینڈز کی ٹیم 244رنز پر ڈھیر ہوگئی ۔ سکاٹ ایڈورڈز 64‘بیس ڈی لیڈز 56اور میکس او دائود 50رنز بناکر نمایاں رہے ۔ ڈیوڈ ویلی نے چار کھلاڑیوں کو آئوٹ کیا ۔ انگلینڈ نے ہدف 30.1اوورز میں دو وکٹوں پر پورا کرلیا ۔ جیسن روئے نے 101‘جوز بٹلر نے 86رنز کی ناقابل شکست اننگز کھیلی ۔ جیسن روئے کو میچ اور جوز بٹلر کو سیریز کا بہترین کھلاڑی قرار دیا گیا۔