بابر اعظم کی ٹیسٹ رینکنگ میں چوتھی ‘ون ڈے میں پہلی پوزیشن 

لاہور(سپورٹس رپورٹر)انٹرنیشنل کرکٹ کونسل نے ٹیسٹ اور ون ڈے پلیئرز کی نئی رینکنگ جاری کردی۔قومی کرکٹ ٹیم کے کپتان بابر اعظم ون ڈے رینکنگ میں پہلے جبکہ امام الحق دوسرے نمبر پر موجود ہیں۔آسٹریلیا کے ڈیوڈ وارنر ایک درجے ترقی کے بعد نویں نمبر پر آ گئے۔ون ڈے کی بائولنگ رینکنگ میں نیوزی لینڈ کے ٹرینٹ بولٹ پہلے انگلینڈ کے کرس ووکس دوسرے اور نیوزی لینڈ کے میٹ ہنری تیسرے نمبر پرہیں ۔ پاکستان کے شاہین شاہ آفریدی کا چوتھا نمبر ہے۔ون ڈے آل رائونڈرز میں بنگلہ دیش کے شکیب الحسن پہلی پوزیشن پر ہیں۔ٹیسٹ بیٹرز کی رینکنگ میں انگلینڈ کے جوروٹ پہلے، آسٹریلیا کے مارنس لابوشین دوسرے، سٹیو سمتھ تیسرے، بابر اعظم چوتھے اور نیوزی لینڈ کے کین ولیمسن پانچویں نمبر پر موجود ہیں۔ٹیسٹ بائولرز کی رینکنگ میں آسٹریلوی کپتان پیٹ کمنز پہلے، بھارت کے روی چندرن ایشون دوسرے، جسپریت بمرا تیسرے اور پاکستان کے شاہین آفریدی چوتھے نمبر پر ہیں۔رینکنگ میں ویسٹ انڈیز کے کیمار روئچ 4 درجے بہتری کیساتھ 8 ویں نمبر پر آگئے ہیں۔