iعمران خان کے بیانیہ کوعوام نے مسترد کردیا : چوہدری شہباز

شیخوپورہ(نامہ نگارخصوصی)مسلم لیگ(ن) پی پی 139 کے امیدوار چودھری شہباز چھینہ نے حلقہ کے مختلف علاقوںناظر لبانہ ، موضع عیسن ، دھامونکے ،مرادے کلاں،مرادے خورد کا دورہ کیاجہاںانہوںنے نواز لیگ کے کارکنوںکے علاوہ معززین علاقہ سے ملاقاتیں کی ہیں اس موقع پر چودھری لطیف گجر، محمدارشد گجر، رانا قاسم علی،میاںمحمدجمیل ،میاں ارشد علی ،اصغر علی گجر، اشفاق باجوہ ،سجاد مغل،ساجد مغل ،شہباز مغل،محمدادریس مغل ،چودھری افضل بسراء سمیت دیگرموجودتھے جنہوںنے چودھری شہبازچھینہ کی بھرپور حمایت کا اعلان کیا اس موقع پر خطاب کرتے چودھری شہباز چھینہ نے کہاکہ ضمنی انتخابات کے بعد نواز لیگ عام انتخابات میں بھی کلین سویپ کریگی کیونکہ اس وقت عمران خان کے بیانہ کوعوام نے مسترد کردیا ہے جس کے بعد عمران خان بنی گالہ تک محدود ہوکر رہ گئے ہیں ان کے آئے روز نت نئے بیانات سے ملک وقوم کو خطرات لاحق ہوچکے ہیں۔