10پاکستانی کمپنیوں کی فرینکفرٹ میں ٹیک ٹیکسٹائل نمائش میں شرکت

کراچی(کامرس رپورٹر)فرینکفرٹ میں جاری ٹیک ٹیکسٹائل اورٹیکس پروسس(Techtextil &Texprocess) نمائش میں10 پاکستانی کمپنیوں نے خریداروں کی توجہ حاصل کرلی۔ہیم ٹیکسٹال، ٹیک ٹیکسٹائل اورٹیکس پروسس سمر اسپیشل میں عالمی ٹیکسٹائل کا میلہ لگ گیا ۔نمائش 21 سے 24 جون 2022 تک فرینکفرٹ ایم مین میں جاری رہے گی ۔ کورونا وبا کے پھیلنے کے بعد سے معروف بین الاقوامی تجارتی میلوں کے پہلے ایڈیشن میں 2,300 سے زیادہ 63 ممالک کی نمائش کرنے والی کمپنیاں، بارہ بین الاقوامی ملکی پویلین اور متعدد مشترکہ اسٹینڈکا شرکاءاوردنیا بھر سے خریدار دورہ کر رہے ہیں۔ٹیک ٹیکسٹائل اورٹیکس پروسس میں بین الاقوامی نمائش کنندگان متعدد نئی اورجدید مصنوعات پیش کر رہے ہیں، ہال 9.1 میں خصوصی شو ''پرفارمنس ٹیکسٹائل ان فیشن'' دیکھنے والوں کے لیے فنکشنل ٹیکسٹائل اور فیشن کو زندہ کرتا ہے۔پاکستان سے 10 نمائش کنندگان براہ راست شرکت کر رہے ہیں اور شو کے نتائج سے بہت خوش ہیں اور اچھی تعداد میں آرڈرز حاصل کرنے کے منتظر ہیں۔
پاکستان آرٹ مل از آرٹسٹک ملینئرز ، ایچ نظام دین اینڈ سنز، آئی سی آئی پاکستان، ماسٹر ٹیکسٹائل ملز، نشاط ملز، سیفائر فنشنگ ملز، سرینا ٹیکسٹائل انڈسٹریز، یو ایس اپیرل وغیرہ اس شو کا حصہ ہیں۔سرینا ٹیکسٹائل انڈسٹریز کے جنرل مینیجر مارکیٹنگ محمد مرزتا نے میلے کے بارے میں اپنے خیالات کا اظہار کیا اور کہا کہ میلہ اچھا جا رہا ہے، ہم خریداروں کی تعداد اور معیار سے بہت مطمئن ہیں۔یو ایس گروپ کے ورک وئیر کے سیلز کے سربراہ علی راشد نے کہاکہ ہم خوش ہیں، رسپانس اچھا ہے اور ہمیں امید ہے کہ دو دن بھی نتیجہ خیز ثابت ہوں گے۔ٹیک ٹیکسٹائل فن تعمیر، آٹوموٹو انڈسٹری، تعمیرات، لباس، خطرات سے تحفظ، ہوا بازی اور ایرو اسپیس، ادویات، فرنیچر کی صنعت اور کھیلوں کے لیے تکنیکی ٹیکسٹائل کی نمائش کرتا ہے۔ٹیک ٹیکسٹائل اورٹیکس پروسس کا اگلا ایڈیشن 2024 میں منعقد ہوگا۔