ریفری سے بدتمیزی، فٹ بال کلب  روما کے کوچ پر 4میچوں کی پابندی

لاہور(سپورٹس رپورٹر)یوروپا لیگ کے فائنل کے بعد انگلش ریفری انتھونی ٹیلر سے ٹکرانے پر یوئیفا نے روما کے کوچ جوز مورینہو پر چار میچوں کی پابندی عائد کر دی ہے،جوز مورینہو پر ریفری کےساتھ توہین آمیز سلوک اور گالم گلوچ کرنے کا الزام عائد کیا گیا ہے،دونوں کلبوں کو میچ کے دوران اپنے مداحوں اور کھلاڑیوں کے طرز عمل پر بھی کئی الزامات کا سامنا کرنا پڑا،روما پر اگلے سیزن کے ایک یورپی میچ کیلئے اپنے شائقین کو ٹکٹ فروخت کرنے پر بھی پابندی عائد کر دی گئی ہے اور ان پر اشیا پھینکنے اور اپنی ٹیم کے نامناسب طرز عمل کے الزامات کے بعد 55,000یورو جرمانہ بھی عائد کیا گیا ہے۔