نجم سیٹھی کا تجویز کردہ پی سی بی بورڈ آف گورنرز مسترد‘چیئرمین کا انتخاب 28جون کو ہوگا

لاہور(سپورٹس رپورٹر)نجم سیٹھی کا تجویز کردہ پی سی بی کا بورڈ آف گورنرز مسترد کر دیا گیا۔ پی سی بی چیئرمین کے انتخابات کا معاملے پر نیا بورڈ آف گورنرز تشکیل دےدیا گیا۔ پاکستان کرکٹ بورڈ کے نئے چیئرمین کا انتخاب 28 جون کو ہوگا۔نئے گورننگ بورڈ میں لاڑکانہ، ڈیرہ مرادجمالی، حیدرآباد، بہاولپور ریجن شامل ہیں جبکہ نیشنل بینک، سٹیٹ بینک، سوئی ناردرن، سوئی سدرن گورننگ بورڈ کا حصہ ہیں۔ذکا اشرف اور مصطفی رمدے پہلے ہی گورننگ بورڈ کےلئے نامزد ہیں۔ دونوں کا نام وزیراعظم شہباز شریف نے تجویز کیا تھا۔پی سی بی کے الیکشن کمشنر نے گورننگ بورڈممبران کے ناموں کا اعلان کر دیا ہے۔