”شیخوپورہ کو خوبصورت بنانے کیلئے ترقیاتی پراجیکٹ شروع کئے جارہے ہیں“

شیخوپورہ(نمائندہ خصوصی) مسلم لیگ (ن) کے رہنماﺅں میاںرفاقت علی ، میاںمنور اقبال ،ملک عرفان اسلام ،نبیل چودھری ،شفاعت علی چوہان ، حافظ رضوان قادر، ملک ندیم یوسف ڈالو نے کہا کہ شیخوپورہ کو مزید خوبصورت بنانے کیلئے کروڑوں روپے کے ترقیاتی پراجیکٹ شروع کئے جارہے ہیںکوٹ رنجیت انٹر چینج چوک میں اور ہرن مینار انٹر چینج چوک میں ویلکم بورڈز آویزاں کرنے کےساتھ خوبصورت راﺅنڈ اباﺅٹ بنانے کے علاوہ کوٹ رنجیت سے بتی چوک اور بتی چوک سے نبی پورہ انڈر پاس تک گرین بیلٹ کو بھی مزید خوبصورت بنایا جارہا ہے جبکہ حلقہ کے پسماندہ علاقوںمیں رابطہ سڑکیں، سیوریج ،پی سی سی کے کام بھی جلد مکمل کرائے جارہے ہیں ان خیالات کااظہارانہوں نے ”نوائے وقت“ سے گفتگو کے دوران کیا۔