انویسٹی گیشن ونگ کے ترقی پانے والے اہلکاروںکو پروموشن بیجز لگانے کی تقریب 

لاہور(نامہ نگار)انویسٹی گیشن ونگ میں تعینات اہلکاروں کی اگلے عہدوں پر ترقی پانے کے بعد ہیڈکوارٹرز میں پروموشن بیجز لگانے کےلئے خصوصی تقریب کا اہتمام کیا گیا۔ ڈی آئی جی انویسٹی گیشن کامران عادل،ایس ایس پی انویسٹی گیشن ڈاکٹر انوش مسعود نے شرکت کی۔ اس موقع پر پی آر او وقاص حیدر بھی موجود تھے۔ پولیس افسران نے ترقی پانے والے اسسٹنٹ سب محمد ندیم اور محمد ناظم کو رینک لگائے اور پروموٹ ہونے والے اہلکاروں کو مبارکباددی۔ ایس ایس پی انویسٹی گیشن ڈاکٹر انوش مسعود نے کہا کہ شہریوں کی بھلائی کےلئے مزید دلجمعی سے محنت کریں۔ ڈی آئی جی انویسٹی گیشن کامران عادل نے کہا کہ بروقت ترقی ہر ملازم کا بنیادی حق ہے جس سےکارکردگی میں مزید بہتری آتی ہے اور پولیس افسران بہترین صلاحیتوں کا مظاہرہ کرکے شہریوں کےلئے آسانیاں پیدا کریں۔ مزید یہ کہ اسسٹنٹ سب انسپکٹر محمد ندیم پی آر او برانچ اور محمد ناظم انویسٹی گیشن ہیڈکوارٹرز میں تعینات ہیں۔